Wara ħsara li żviluppat f’parti min-network tad-drenaġġ fiż-żona ta’ San Pawl il-Baħar, kompla għaddej ix-xogħol minħabba li l-ħsara kienet waħda maġġuri. Il-Korporazzjoni se tagħmel intervent intensiv biex jinbidel minnufih main prinċipali. Il-Korporazzjoni tixtieq tirringrazzja lill-pubbliku tal-koperazzjoni murija f’dawn il-jiem.
Din iż-żona in kwistjoni tagħmel parti mill-pjan tal-Korporazzjoni għaż-żona fejn kawża tad-domanda dejjem tiżdied ta’ konsumaturi, se jkun hemm investimenti għal titjib fis-servizz biex jilqa’ għad-domanda preżenti u tal-futur.
Il-Korporazzjoni filwaqt li tirringrazzja lill-ħaddiema kollha li qed jaħdmu kontinwament biex is-sitwazzjoni tirritorna għan-normal, tixtieq tiskuża ruħha għal kull inkonvenjent li dan l-intervent jista’ joħloq.
