Titjib fil-kundizzjonijiet tal-ħaddiema tal-Korporazzjoni għas-Servizzi tal-Ilma grazzi għal Ftehim Kollettiv ġdid iffirmat mal-General Workers’ Union. Dan il-ftehim joffri stabbiltà lill-ħaddiema u jsaħħaħ l-operat tal-istess korporazzjoni.

Il-ftehim ġie ffirmat fil-preżenza tal-Ministru għall-Enerġija, l-Intrapriża u l-Iżvilupp Sostenibbli Miriam Dalli.

“Dan il-ftehim ikopri 87% tal-ħaddiema tal-korporazzjoni, li bħalissa għaddejja b’ħidma biex issaħħaħ l-operat tagħha u ttejjeb il-kundizzjonijiet tax-xogħol tal-ħaddiema. Biex naċċertaw stabbiltà, il-ftehim kollettiv huwa għal sitt snin, u jħares biex joħloq opportunitajiet ta’ progress fil-karriera tal-ħaddiema. Irridu ninċentivaw il-ħidma u l-isforz tal-ħaddiema,” spjegat il-Ministru Miriam Dalli.

Fost oħrajn, dan il-ftehim se jkun qed jgħin biex jintlaħaq bilanċ bejn il-ħajja professjonali u dik privata tal-ħaddiema.

Waqt l-iffirmar ta’ dan il-ftehim, il-Kap Eżekuttiv tal-korporazzjoni Ivan Falzon qal li dan il-ftehim kollettiv qed joffri stabbiltà lill-ħaddiema, partikolarment fiż-żmien ta’ pandemija.

Il-ftehim iffirmat jassigura diversi skali ġodda u tisħiħ tal-pakkett finanzjarju.

B’riżultat ta’ dan il-ftehim ukoll, diversi ħaddiema ser igawdu minn iktar miżuri family-friendly u teleworking fejn possibbli.

Iffirmaw dan il-ftehim iċ-Chairman tal-bord tad-Direttur tal-korporazzjoni Joseph Vella, il-Kap Eżekuttiv tal-korporazzjoni Ivan Falzon u, f’isem il-General Workers Union, is-Segretarju Kendrik Bondin u Mark McKay, President tas-Sezzjoni Entitajiet Pubbliċi.

Preżenti kien hemm ukoll Anthony Gatt, Segretarju Permanenti fi ħdan il-Ministeru għall-Enerġija, l-Intrapriża u l-Iżvilupp Sostenibbli, u Josef Buġeja, Segretarju Ġenerali tal-GWU.​

 

Related articles

Pilot Project in Santa Lucija – Free Water Tank Valve Upgrade

In a move to combagt water wastage, the Water Services Corporation (WSC) is launching a Pilot Project – A Free Water Tank […]

Read More

Works on wastewater infrastructure in St. Paul’s Bay advancing rapidly

St. Paul’s Bay, Malta – In a significant advancement for local wastewater management, work on a pioneering 1.9-kilometer sewer project in St. […]

Read More

A €310M National Investment Plan for Water and Wastewater

  Water Services Corporation is embarking on a 10-year plan to invest €310 million to revolutionise the management and sustainability of Malta’s […]

Read More
New Water South

MEDIA RELEASE – The New Water South Project Progressing as Planned

THE NEW WATER SOUTH PROJECT PROGRESSING AS PLANNED Luqa, 18/12/2023 – It has been recently brought to the attention of the Water […]

Read More