Il-Korporazzjoni għas-Servizzi tal-ilma tixtieq tavża li l-maltemp qawwi ta’ dan il-lej ikkawża ħsara fil-main bejn Malta u Għawdex. L-indikazzjonijiet huma li l-ħsara seħħet bejn Malta u Kemmuna għad- differenza ta’ ħsara simili li saret issen l-ohra bejn kemmuna u Ghawdex.
Minkejja din il-ħsara, il-Korporazzjoni ser tiżgura li sakemm isiru t-tiswijiet, il-provvista f’Għawdex tkun garantita u dawn it-tiswjijiet jibdew hekk kif jippermetti l-baħar. Dan l-inċident ikompli jemfasizza l-bżonn li Għawdex ikun indipendenti fejn tidħol il-provista tal-ilma u turi b’mod konkret kemm hu bzonnjuż l-investimet ta’ 11 -il miljun Ewro li qed isir bħalissa biex timbena reverse osmosisf’Ħondoq ir-Rummien. Dan il-proġett wasal fi stadju avvanzat, fejn ir-restawr fuq il-bini se jitlesta sal-aħħar tas-sena biex imbgħad jitwaħħal il-makkinarju.
Il-Korporazzjoni ser iżżomm lill-pubbliku nfurmat hekk kif ikun hemm bżonn.
