Tixtieq timmonitorja l-konsum tal-ilma ta’ kuljum, kull ġimgħa jew ta’ kull xahar tiegħek?
Tixtieq tkun taf jekk għandekx xi tnixxija tal-ilma?
Segwi dawn il-passi sempliċi.

Suġġerimenti dwar l-Ilma

Tħallix il-vit miftuħ bl-ilma nieżel waqt li tkun qed taħsel snienek. Familja ta’ erbgħa tista’ tiffranka sa 200 barmil ilma kull sena permezz ta’ din il-miżura sempliċi. Ikkonserva l-ilma għaliex hekk għandu jsir.
Biex tiffranka l-ilma, l-enerġija, id-deterġent u l-flus, qatt m’għandek tħaddem il-magna tal-ħasil tal-platti mingħajr tagħbija sħiħa.
Meta tixtri magna tal-ħasil tal-ħwejjeġ jew magna tal-ħasil tal-platti ġdida, iċċekkja r-rekwiżiti tal-ilma ta’ diversi ditti u mudelli. Xi wħud jużaw inqas ilma minn oħrajn.
Il-ktieli għandhom jimtlew b’biżżejjed ilma għall-ħtiġijiet tiegħek, iżda mhux iżjed. Dan inaqqas ukoll il-kont tal-elettriku tiegħek.
Doċċa ta’ ħames minuti kuljum, minflok banju, tuża terz tal-ilma u b’hekk tiffranka sa 400 litru fil-ġimgħa.
Sewwi viti jqattru issa! Jekk il-vit tiegħek qed iqattar b’rata ta’ qatra waħda kull sekonda, inti tista’ tistenna li taħli sa 1 900 litru fis-sena, li huwa ħafna ilma.
Tħallix il-vit miftuħ bl-ilma nieżel waqt li tkun qed taħsel snienek. Familja ta’ erbgħa tista’ tiffranka sa 200 barmil ilma kull sena permezz ta’ din il-miżura sempliċi. Ikkonserva l-ilma għaliex hekk għandu jsir.
Taħlix l-ilma sempliċement għaliex xi ħadd ieħor qed iħallas il-kont, bħal meta tkun qegħda f’lukanda jew fuq ix-xogħol.
Tużax l-ilma biex tħoll ikel iffriżat. Neħħi s-silġ minn mal-ikel matul il-lejl fil-friġġ, billi dan jiffranka aktar enerġija, minħabba li hekk kif jinħall l-oġġett iffriżat, dan iżomm il-friġġ kiesħa.

Kif tiċċekkja hemmx tnixxija possibbli fis-sistema tal-ilma tad-dar tiegħek.

Mill-miter tal-ilma għall-bokka tat-tank tal-ilma

1. Agħlaq l-istopcock minn fejn jidħol l-ilma fit-tank tal-ilma tiegħek (normalment fuq il-bejt). Kun ċert li matul dan l-eżerċizzju ma jiġix ikkunsmat aktar ilma fi kwalunkwe parti tad-dar tiegħek. Il-viti kollha jridu jingħalqu u kwalunkwe magna tal-ħasil tal-ħwejjeġ jew magna tal-ħasil tal-platti trid tintefa.
2. Agħlaq l-istopcock li jinstab immedjatament wara l-miter tal-ilma.
3. Innota l-qari tal-miter (in-numri kollha).
4. Wara 30 minuta, erġa’ iftaħ l-istopcock ħdejn il-miter tal-ilma u ċċekkja ikunx hemm xi żieda fil-qari.
5. Jekk ma tiġix innotata żieda fil-qari, dan ifisser li ma hemmx tnixxija bejn il-miter u t-tank tal-bejt tiegħek. Issa inti trid tiċċekkja jekk hemmx xi tnixxija possibbli ‘l isfel mit-tank kif ġej:
6. Agħlaq l-istopcock fl-iżbokk tat-tank tal-ilma.
7. Imla l-pajp tal-vent sa fuq nett. Jekk ma jkunx hemm pajp tal-vent, immarka l-livell tal-ilma ġot-tank.
8. Wara 30 minuta ċċekkja jekk ikunx niżel il-livell tal-ilma fil-pajp tal-vent/it-tank tal-ilma. Kwalunkwe tnaqqis fil-livell tal-ilma fil-pajp tal-vent jindika tnixxija.
9. Jekk ma jkunx hemm pajp tal-vent u inti tkun immarkajt it-tank tal-bejt, inti trid tħalli ħin ferm itwal (tal-inqas 2-3 sigħat) bl-istopcock miftuħ.
10. Kwalunkwe tnaqqis fil-livell tal-ilma tat-tank tal-bejt jindika tnixxija fis-sistema tal-ilma tad-dar interna tiegħek.

Kif tiċċekkja sistema tal-flushing tat-tojlit

Agħlaq l-angle valve minn fejn jidħol l-ilma fic-ċisterna tat-tojlit.
Żid ftit kolorant tal-ikel fl-ilma u mmarka l-livell tal-ilma.
Jekk wara 15-il minuta jonqos il-livell fit-tank u/jew ikun innotat kulur fil-bowl tat-tojlit, is-sistema tal-flushing qed tnixxi.