Il-Water Services Corporation tħabbar bi pjaċir li l-Awtorità tal-Ippjanar tat l-approvazzjoni lil tnejn mill-akbar proġetti u dawk l-aktar importanti tagħha bħala parti mill-proġett tal-utilità ta’ impatt żero nett.
|
Ir-reverse osmosis f’Għawdex ġie approvat b’mod unanimu wkoll matul is-sessjoni. Koinċidentalment, l-offerta għall-istess Reverse Osmosis għalqet fl-istess ġurnata, u b’kollox ġew rċevuti 10 offerti minn 4 kuntratturi differenti Il-proċess tal-aġġudikazzjoni se jseħħ tul il-ġranet li ġejjin b’xogħlijiet tal-kostruzzjoni ppjanati fi żmien ftit xhur.
Il-proċess tal-permessi kkonferma kif il-proġetti huma bbażati fuq l-ogħla standards ambjentali u se jwassal b’mod partikolari għal impatt pożittiv nett f’termini ta’ riżorsi tal-ilma. Barra minn hekk, dawn iż-żewġ proġetti se jirriżultaw fi kwalità tal-ilma mtejba (togħma) f’Malta u f’Għawdex.
Dawk li jżuru Science in the City il-Ġimgħa 28 ta’ Settembru fil-belt Valletta se jkollhom opportunità li jduqu l-ilma tal-vit futur ta’ Malta, fil-Free Water Tasting Bar fil-Pjazza De Valette
Is-CEO tal-WSC, Richard Bilocca, radd ħajr lill-ħaddiema tal-Korporazzjoni għax-xogħol siewi tagħhom fit-twassil tal-istadji preparatorji għal dawn il-proġetti l-kbar fi ħdan l-iqsar perjodu ta’ żmien possibbli. Huwa enfasizza li l-proġett globali li se jissupera l-marka ta’ EUR 130 miljun “se jirriżulta fi kwalità tal-ħajja aħjar permezz ta’ servizz imtejjeb b’mod sostanzjali”.
Dan il-proġett se jiġi koordinat mill-Water Services Corporation u se jiġi kofinanzjat permezz tal-fondi ta’ Koeżjoni tal-UE
